Җәмгыять 2 сентябрь 2020 13:13

Хөкүмәт табибларга һәм социаль хезмәткәрләргә түләү өчен тагын 22 млрд сум акча бирде

321 млн сумнан артык акча Федераль медик-биология агентлыгы үзәкләре хезмәткәрләренә, ә 1,8 млрд сумнан артыгы картлар һәм инвалидлар интернат йортлары хезмәткәрләренә җибәреләчәк.

Скопировать ссылку

(Казан, 2 сентябрь, «Татар-информ»). Россиядә медицина һәм социаль хезмәткәрләргә түләү өчен тагын 22 млрд сум бүлеп биреләчәк. Бүген РФ Премьер-министры Михаил Мишустин тиешле карарны имзалады. Бу хакта ТР Министрлар Кабинеты сайтында хәбәр ителә.

«Табибларга, фельдшерларга, шәфкать туташларына, ашыгыч ярдәм машиналарын йөртүчеләргә, шулай ук коронавирус белән авыручыларга ярдәм итүче социаль учреждение хезмәткәрләренә өстәмә акча бүлеп биреләчәк. <...> Шулай итеп, медицина хезмәткәрләренә ярдәм итүгә тагын 22 миллиард сумга якын акча юнәлдереләчәк», - диелә карарда.

Шул акчаларның 321 млн сумнан артыгы — Федераль медик-биология агентлыгы үзәкләре хезмәткәрләренә, ә 1,8 млрд сумнан артыгы картлар һәм инвалидлар өчен интернат йортлар хезмәткәрләренә түләүләргә җибәрелә.

Элегрәк «Татар-информ» мәгълүмат агентлыгы Россиядә өч яшьтән җиде яшькә кадәрге балаларга ай саен бирелә торган түләүләргә тагын 34 млрд сумнан артык акча бүлеп бирелүен хәбәр иткән иде.

Сәхифәләр

Хөкүмәт табибларга һәм социаль хезмәткәрләргә түләү өчен тагын 22 млрд сум акча бирде