Җәмгыять 2 апрель 2020 14:37

Татарстанда коронавирус инфекциясенә үткәрелгән тестлар 21 кешедә уңай булып чыккан

Лаборатор тикшерүләрнең нәтиҗәләре раслауны көтә.

Скопировать ссылку

(Казан, 2 апрель, «Татар-информ», Александра Давыдова). Татарстанда коронавирус инфекциясенә үткәрелгән башлангыч тестлар 21 кешедә уңай булып чыккан. 31 мартка булган мәгълүматлардан күренгәнчә, лаборатор тикшерүләрнең нәтиҗәләре раслауны көтә, диелә Татарстан буенча баш дәүләт санитар табибы, ТР буенча Роспотребнадзор идарәсе җитәкчесе Марина Патяшина чыгарган карарда.

«Авырулар белән контактка кергән 674 кеше табиблар күзәтүендә. Медицина оешмаларында тын юлларында кискен вируслы инфекция симптомнары белән 70 кеше дәвалана. Алар коронавирус инфекциясенә бәйле вазгыять имин булмаган илләрдән кайткан», — диелә документта.

Шулай ук соңгы ике атнада Covid-19 коронавирусы теркәлгән илләрдән кайткан 10324 кешене табиблар күзәтә.

Шуңа бәйле рәвештә, Патяшина 1 апрельдән башлап һәм махсус боерык чыкканчыга кадәр авыруларны медицина стационарларына салу, амбулатор ярдәм күрсәтү өчен пациентларны кабул итү, сирәк очракларны исәпкә алмаганда халыкны планлы диспансеризацияләү һәм иммунизацияләү, шулай ук медицина тернәкләндерүен һәм шифаханә-курортларда дәвалануны тыярга күрсәтмә бирде.

#Марина Патяшина #Коронавирус буенча карантин #коронавирус

Сәхифәләр

Татарстанда коронавирус инфекциясенә үткәрелгән тестлар 21 кешедә уңай булып чыккан