Татарстанда 83 меңләп кешегә Covid-19 инфекциясеннән вакцина ясалды

Препаратның икенче компоненты белән 20 меңнән артык пациент прививка ясатты.

(Казан, 2 март, «Татар-информ»). Татарстанда 83 меңгә якын кеше коронавирустан «Спутник V» вакцинасын алган инде.

«Барлыгы 82 709 кеше (тәүлек эчендә үсеш — 956) вакцина ясатты <...> », - диделәр ТР Сәламәтлек саклау министрлыгының матбугат хезмәтендә.

Шул ук вакытта вакцинаның икенче компоненты белән республиканың 20 044 кешесе прививка ясаткан.

Covid-19 инфекциясеннән вакцинациягә биш төрле ысул белән: РФ Дәүләт хезмәтләре бердәм порталы, ТР Дәүләт һәм муниципаль хезмәтләр порталы аша, бердәм 122 номеры буенча, Күп функцияле үзәктә һәм поликлиникага контакт телефоннары аша мөрәҗәгать иткәндә язылырга мөмкин.