Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә битлек режимы саклануын искәртәләр
Пандемия әле тәмамланмаган, шуңа күрә битлек киеп йөрергә, дистанцияне сакларга киңәш ителә.
(Казан, 1 март, «Татар-информ»). Россиядә битлек режимын гамәлдән чыгарырга иртәрәк, чөнки хәтта прививка алган кешеләр дә Covid-19ны таратучы булырга мөмкин.
РИА Новости хәбәр итүенчә, РФ Сәламәтлек саклау министрлыгының штаттан тыш баш белгеч-эпидемиологы, Россия Фәннәр академиясе академигы Николай Брико россиялеләрне ковидка каршы чараларны үтәүдән баш тартмаска чакырды. Пандемия әле тәмамланмаган, шуңа күрә битлек киеп йөрергә, дистанцияне сакларга киңәш ителә.
Соңгы көннәрдә коронавирус йоктыручылар саныннан күренгәнчә, авыруның беркая да китмәвен күрсәтә. Мәсәлән, Мәскәүдә авырулар санының кимүе күзәтелми.
«Үз-үзеңә һәм якыннарыңа карата игътибарлы һәм саграк булырга кирәк. Әйе, вакцинация бик мөһим, әмма гади сыналган чараларны да кулланырга кирәк», — дип йомгаклады Брико.
Кызыклы яңалыкларны күзәтеп бару өчен Телеграм-каналга язылыгыз