Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Диетолог 1 гыйнварда дөрес туклану буенча киңәшләр бирде
Табиб шулай ук физик активлык кирәклеген искә төшерде.
(Казан, 1 гыйнвар, «Татар-информ»). Гыйнварның беренче көннәрен яңа ел мәҗлесеннән соң гадәти туклану режимына кайту өчен җиңелчә ашарга кирәк. Бу хакта РФ Сәламәтлек саклау министрлыгының штаттан тыш баш белгеч-диетологы, Туклану, биотехнология һәм азык-төлек куркынычсызлыгы федераль үзәгенең фәнни җитәкчесе Виктор Тутельянга сылтама белән ТАСС хәбәр итә.
«1-2 гыйнварда, ризык күп ашаганнан соң, җиңелчә ашау өстәле ясарга мөмкин. Мисал өчен, әчкелт сөт продуктлары — кефир, шикәрсез йогурт, простокваша, яки җиләк-җимеш, яшелчә», — дип аңлатты белгеч.
Моннан тыш, табиб теге яки бу физик активлык өчен вакыт калдырырга киңәш итте. Бу җитди күнегүләр булырга тиеш дигән сүз түгел — йөреп кайтырга яки йөзәргә мөмкин, дип ачыклык кертте ул.
Тутельян фигураны саклау өчен зур булмаган тәлинкәләрдән ашарга тәкъдим итте. Ә ашкайнату органнарының җитди авырулары булган кешеләргә ул гомумән дә Яңа ел көннәрендә диета сакларга киңәш итте.
Кызыклы яңалыкларны күзәтеп бару өчен Телеграм-каналга язылыгыз