Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Һава торышының кискен үзгәрүе һәм бозлавык: КФУ галиме алдагы декадага фаразлар әйтте
Татарстанга декабрьнең икенче яртысында аномаль җепшек көннәр килде. Урыны белән карлы яңгыр ява, ә Казанда тәүлеклек уртача һава температурасы уртача климат нормасыннан 8-10 градуска югарырак. КФУ профессоры, география фәннәре докторы Юрий Переведенцев «Татар-информ»га шулай дип сөйләде.
«Якындагы декадада Казанда һава температурасы климат нормасыннан дүрт градуска югарырак булачак. Атна ахырында җылы аномалия 8-10 градус көтелә, яңгыр һәм кар явачак. Болар – җепшек көннәр, температураның зур аномалиясе. Декабрьдә Татарстан башкаласында явым-төшем саны буенча айлык план арттырылып үтәлгән, 60 миллиметрдан күбрәк яуды», – дип сөйләде әңгәмәдәш.
Җепшек көннәр озак булмый. Һава торышының кискен үзгәрүе киләсе атна башында ук көтелә. Дүшәмбе һәм сишәмбе көндезге сәгатьләрдә Казанда термометр баганалары «минус» билгесе белән 7-8 градуска кадәр төшәчәк. Көчле бозлавык көтелә.
«Без чираттагы антициклон йогынтысында булачакбыз», – дип аңлатты Переведенцев.
Кызыклы яңалыкларны күзәтеп бару өчен Телеграм-каналга язылыгыз