Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Халыкара һәйкәлләр һәм истәлекле урыннарны саклау көнендә Казан музейларына керү – бушлай
18 апрельдә билгеләп үтелүче бәйрәм кешеләрнең игътибарын мәдәни мирасны саклауга юнәлтү максатын тота.
(Казан, 14 апрель, «Татар-информ»). 18 апрельдә, Халыкара һәйкәлләрне һәм истәлекле урыннарны саклау көнендә Казан Кремле музейларына керү бушлай булачак. Бу хакта музей-тыюлык сайтында хәбәр ителә.
Халыкара һәйкәлләрне һәм истәлекле урыннарны саклау көне 1984 елдан башлап, традиция буенча, 18 апрельдә билгеләп үтелә. Бәйрәм ЮНЕСКО каршындагы һәйкәлләрне һәм истәлекле урыннарны саклау мәсьәләләре буенча Халыкара совет ассамблеясе тарафыннан 1983 елда кабул ителгән. Ул кешеләр игътибарын мәдәни мирасны саклауга юнәлтү өчен кирәк. Аның кысаларында, төрле чаралар, шул исәптән һәйкәлләрне, тарихи урыннарны саклау, аларны вәхшилектән яклау мәсьәләләренә кагылган конференция оештырыла. Шулай ук гадәти көннәрдә ябык булган тарихи биналарга экскурсияләр үткәрелә. Кайбер музейларга бу көнне бушлай керергә мөмкин.
Татарстанның табигать тарихы музее, «Эрмитаж-Казан» үзәге, Татарстан дәүләтчелеге тарихы музее, Туп сарае музее, Благовещенск соборы тарихы музее сәгать 10.00 нан 18.00 гә кадәр ачык булачак, ә Ислам мәдәнияте музее – сәгать 9.00 дан 19.30 га кадәр.
Кызыклы яңалыкларны күзәтеп бару өчен Телеграм-каналга язылыгыз