Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Халык язучысын искә алдылар
Халык язучысын искә алдылар
(Казан, 22 декабрь, «Татар-информ», Рәсилә Кәримова). Кичә Казанның К.Тинчурин исемендәге Татар дәүләт драма һәм комедия театрында халык язучысы Әмирхан Еникинең тууына 95 ел тулуга багышланган искә алу кичәсе булып үтте. Анда әдипнең балалары, язучылар, галимнәр, шулай ук аның иҗатын сөючеләр катнашты.
2004 елны тулысы белән Әмирхан Еники елы дип тә атарга мөмкин. Чөнки моның өчен ныклы нигез бар: күптән түгел Башкортстанның киңкүләм җәмәгатьчелеге аны искә алу кичәләре үткәрде, Казанда аның олуг юбилеена багышланган фәнни-гамәли конференция дә булып узды.
Әмирхан аганы искә алу кичәсендә аның тормышы һәм иҗаты турында Татарстан Язучылар берлеге рәисе Фоат Галимуллин чыгыш ясады. Искә алу кичәсе тере әдип белән әңгәмә рәвешендә барды. Әдип ролен Татарстанның халык артисты Әзһәр Шакиров башкарды. Кичәдә җырлар белән бергә, Г.Камал исемендәге һәм К.Тинчурин исемендәге театр артистлары башкаруында Әмирхан аганың әсәрләреннән өзекләр дә яңгырады.
Кызыклы яңалыкларны күзәтеп бару өчен Телеграм-каналга язылыгыз