Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
“Халык контроле”нә ТР гражданнарнынан быел 18 меңнән артык мөрәҗәгать килгән
Дәүләт контроль системасы эшли башлаганнан алып хәзергә кадәр 31211 мөрәҗәгать булган
(Казан, 28 октябрь, «Татар-информ», Максим Кирилов). Ел башыннан алып гражданнардан 18 680 мөрәҗәгать булган, шуларның 12 040 ы уңай хәл ителгән. Бу хакта бүген ТР Министрлар Кабинетында брифингта ТР да кеше хокуклары буенча вәкил Сәрия Сабурская белдерде.
Искәртеп узабыз: "Халык контроле" системасы 2012 елның апреленнән эшли башлады, шул чордан бирле татарстанлылардан 31 211 мөрәҗәгать килгән, шуларның 21 134 е уңай хәл ителгән, - бу 68 проценты дигән сүз. Быел системага килгән мөрәҗәгатьләр гомум санның 60 процентын тәшкил итә.
“Халык арасында бу система белән кызыксынучылар арта. Гражданнар эш нәтиҗәсен күрә һәм системага мөрәҗәгать итүчеләр саны арта”, - дип билгеләп үтте Сәрия Сабурская.
Хәзер агымдагы елда килгән мөрәҗәгатьләрнең 65 проценты хәл ителгән. Моннан тыш, аларның 24 проценты (4580) якындагы көннәрдә карау планлаштырылган, 7 проценты буенча нигезле рәвештә баш тарту, 4 проценты буенча бүген эш алып барыла. “Хәл ителгән мәсьәләләр саны артуы күзәтелә”, - дип билгеләп үтте омбудсмен.
Быел казанлылардан 10 мең чамасы мөрәҗәгать булган, шуларның 6023 е хәл ителгән.
Кызыклы яңалыкларны күзәтеп бару өчен Телеграм-каналга язылыгыз