Халык фикере буенча иң коррупциячел һөнәр ияләре тәгаенләнде — исемлек
Соңгы елларда бу исемлектә 3 төрле һөнәр өстенлек итә.
(Казан, 28 март, “Татар-информ”, Лилия Локманова). Соңгы елларда, халык фикере буенча, иң коррупциячел исәпләнгән һөнәрләр билгеле булды.
Бу хакта бүген “Татар-информ” мәгълүмат агентлыгы уздырган матбугат конференциясендә ТРның социаль-икътисади мониторинг комитеты җитәкчесе урынбасары Ольга Семенова хәбәр итте.
“Соңгы елларда антилидерлар рәтендә берничә һөнәр иясе бар. Болар — ЮХИДИ һәм медицина хезмәткәрләре, югары уку йортларында белем бирүчеләр. Әмма аларга карата халыкта хәзер караш үзгәрә. Шулай булуга да карамастан, бу һөнәрләр ("кара" исемлектә. - ТИ) беренче урыннарны били”, - диде Ольга Семенова.
