Һадиуллин 1 сентябрьгә әзерлек һәм Татарстанда мәгариф үсеше турында сөйләячәк
Скопировать ссылку
Иртәгә, 21 августта, Татарстанда ТР Мәгариф һәм фән министрлыгы башлыгы Илсур Һадиуллин катнашында туры эфир узачак.
Министр республиканың яңа уку елына ничек әзерләнүе, мәктәпләрне ремонтлау, яңа белем бирү программалары һәм гомумән Татарстанда мәгариф системасы үсеше турында сөйләячәк.
Кулланучылар Татарстан Республикасының рәсми телеграм-каналында комментарийларда министрга сораулар бирә ала. Шулай ук Һадиуллин трансляция вакытында килгән мөрәҗәгатьләргә җавап бирәчәк.
Эфир 10:00 сәгатьтә башлана. Аңа «ВКонтакте» һәм Telegram аша кушылырга мөмкин.