Хәвеф-хәтәр 15 июль 2017 15:37

Хаҗ кылучыларны Согуд Гарәбстанында холера белән зарарлану куркынычы турында кисәтәләр

Бөтендөнья сәламәтлек саклау оешмасы мәгълүматлары буенча, Йәмәндә холера белән 330 мең кеше зарарланган.

Скопировать ссылку

(Казан, 15 июль, “Татар-информ”). Йәмәндә холера эпидемиясе хаҗ кылучылар өчен җитди куркыныч тудырырга мөмкин, - дип кисәтә Бөтендөнья сәламәтлек саклау оешмасы. Бу хакта INTERFAX.RU җиткерә.

"Хәзерге вакытта Йәмәндә , шулай ук кайбер Африка илләрендә холера эпидемиясе кабынып китте, ул тиз тарала һәм Согуд Гарәбстанында хаҗ кылучыларга җитди куркыныч тудыра”, - диелгән Бөтендөнья сәламәтлек саклау оешмасы хәбәрендә.

Шул ук вакытта холера белән көрәш оешмасы эксперты Доминик Легрос Согуд Гарәбстанының вирус таралуга каршы “яхшы әзерләнүен” җиткерә.

Бөтендөнья сәламәтлек саклау оешмасы мәгълүматлары буенча, Йәмәндә холера 330 мең кеше зарарланган.
Быел хаҗ вакыты сентябрь башында башлана.

#Хаҗ #холера

Сәхифәләр

Хаҗ кылучыларны Согуд Гарәбстанында холера белән зарарлану куркынычы турында кисәтәләр