Хәйдәр Камалетдинов: Хәләл яшәү рәвеше алып бару мөмкинлекләре аз
Казанда «Хәләл — яшәү рәвеше» Бөтенроссия конференциясе башланды.
Скопировать ссылку
(Казан, 9 декабрь, «Татар-информ», Гадел Әхмәтҗанов). Хәләл яшәү рәвеше алып бару мөмкинлекләре аз булу — Татарстанда гына түгел, бөтен дөньядагы зур проблема. Бу турыда «Хәләл — яшәү рәвеше» дип аталган Бөтенроссия конференциясендә Халыкара ислам бизнесы ассоциациясе вице-президенты Хәйдәр Камалетдинов хәбәр итте.
«Хәләл — ул яшәү рәвеше. Хәләл тормыш алып бару өчен тудырылган мөмкинлекләр аз булу - Татарстанда, Россиядә генә түгел, ә бөтен дөньядагы проблема», — диде ул.
Аның сүзләренчә, кеше үз йортында һәм иҗтимагый киңлекләрдә Ислам дине кагыйдәләрен үтәргә тиеш. Хәләл туризм, медицина өлкәләрендә актив эш алып барырга кирәк.