news_header_top_970_100
16+
news_header_bot_970_100

«Хәтер» нәшриятында Зөфәр Рәмиевнең «Тукай һәм замандаш әдипләр» дигән китабы дөнья күрде

«Хәтер» нәшриятында Зөфәр Рәмиевнең «Тукай һәм замандаш әдипләр» дигән китабы дөнья күрде

(Казан, 25 апрель, «Татар-информ», Дания Моисеева). «Хәтер» татар республика нәшриятында Г.Ибраһимов исемендәге Тел, әдәбият һәм сәнгать институты галиме Зөфәр Рәмиевнең «Тукай һәм замандаш әдипләр» дигән китабы басылып чыкты. Әлеге басма татар энциклопедик сүзлек-белешмәсенә материаллар буларак язылган.

Китапта «Г.Туккй псевдонимнары», «Тукай әсәрләре текстологиясендә кулъязмаларның роле», Тукай текстологиясе һәм Нәкый Исәнбәт», «Төрек илендә Тукай», шулай ук «Тукай һәм Думави» кебек бүлекләр бар. Әлеге басма инде Татар энциклопедик сүзлек-белешмәсе өчен «Хәтер» нәшриятында чыгарылган өченче китап.

«Хәтер» нәшрияты — дәреслекләр һәм укыту өчен кулланмалар чыгаручы нәшрият. Биредә быел да 6нче, 7нче, 8нче һәм 9нчы сыйныфлар өчен ике телдә «Татарстан тарихы» дәреслеге дөнья күрде. Тиздән Флера Сафиуллинаның «Антонимнар татар поэзиясендә» дигән китабы нәшер ителеп бетәчәк.

autoscroll_news_right_240_400_1
autoscroll_news_right_240_400_2
news_bot_970_100