Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Хәния Фәрхи Башкортстанда чираттагы иҗади сәфәрдә
Хәния Фәрхи Башкортстанда чираттагы иҗади сәфәрдә
(Уфа, 4 октябрь, “Татар-информ”, Фәнис Фәтхуллин). Танылган җырчы, Татарстанның халык артисткасы Хәния Фәрхи һәм аның җитәкчелегендәге «Бәйрәм» җыр театры Башкортстанның төньяк-көнбатыш районнарында гастрольләрен башлап җибәрде. Бәләбәй шәһәрендә башланган бу иҗади сәфәре барышында “Бәйрәм” җыр театры сәнгатькәрләре тамашачыларга яңартылган концерт программасын тәкъдим итә.
«Җырларымда – сезнең язмышлар» исемле бу программаны Уфа тамашачылары күргән иде инде. Аның сценарие авторы Башкортстанда яшәп иҗат итүче талантлы татар егете, шәп шагыйрь һәм прозаик, шул ук вакытта күп концертларны бик оста алып баручы Марат Кәбиров. Әле Башкортстанда башланган чираттагы гастрольләренә шушы программаны яңа җырлар белән тулыландырып алып килде Хәния Фәрхи.
Уфада иҗади сәфәре барышында Хәния Фәрхине төрле радио каналлары үзләрендә туры эфирдагы тапшыруларга чакыра һәм милли вакытлы матбугат басмалары аның белән әңгәмәләр дә оештырырга килеште. Башкортстанда булганда яңа видеоклип төшерүне дә күз уңында тота танылган җырчыбыз.
Кызыклы яңалыкларны күзәтеп бару өчен Телеграм-каналга язылыгыз