Архив 30 декабрь 2009 17:24

Гыйнвар аенда Казанда бал күргәзмәсе узачак

“Баллы” көннәр 24 гыйнварга кадәр дәвам итә

Скопировать ссылку

(Казан, 30 декабрь, “Татар-информ”). Гыйнвар урталарында Казанда масштаблы бал күргәзмәсе узачак. Россия умартачылары “Казан Ярминкәсе”ндә казанлылар һәм башкала кунакларына 100 дән артык төрдә бал тәкъдим итәргә җыена. Биредә Татарстан, Ростов өлкәсе, Марий Эл, Удмуртия, Төньяк Осетия республикалары, Краснодар крае, Ерак Көнчыгыш болын-урманнарыннан җыелган балны татып карарга мөмкин булачак.
“Казан ярминкәсе”ннән хәбәр итүләренчә, анда киң таралган чәчәк, юкә балларыннан тыш, Алтай болыннарыннан җыелган, каштан, эвкалипт, курай үләне балларын да очратып булачак. Бал белән бергә прополис, чәчәк серкәсе, балавыз кебек умартачылык продуктлары да тәкъдим ителә. Казанда “баллы” көннәр 24 гыйнварга кадәр дәвам итә.

Сәхифәләр

Гыйнвар аенда Казанда бал күргәзмәсе узачак