Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Гуманитар ярдәм төялгән йөк автомобильләре колоннасы Чаллыдан Лисичанскига юл тотты
Чаллыдан шефлык ярдәменең чираттагы партиясен озаттылар. 6,7 миллион сумлык гуманитар йөкне өч автомобильгә бүлделәр – һәркайсына егермешәр тонна. Автокала мэриясенең телеграм-каналында шуның фото һәм видеосы чыкты.
Чарада шәһәр мэры Наил Мәһдиев тә катнашты һәм беренче чиратта машина йөртүчеләр белән аралашты.
«Саваплы эш башкарасыз. Анда кешеләр бик авыр хәлдә. Шуңа күрә сезнең ярдәмегез бик тә кирәк. Анда безнең егетләр эшли, шуларның берсе – Рөстәм Гатин. Алар тәүлегенә 5 мең порциягә кадәр кайнар ризык әзерли. Бу эшне урамда, йөрәк кушуы буенча башкаралар. Сезне анда зарыгып көтәләр», - дип мөрәҗәгать итте ул аларга.
«Димәк, илтеп җиткерәчәкбез, барысы да яхшы булачак», - дип җавап бирде машина йөртүчеләрнең берсе.
Машиналарга он, шикәр, бер тапкыр кулланыла торган савыт-саба һәм кайнар аш әзерләү өчен кирәкле башка әйберләр төяделәр. Азык-төлекнең күп өлеше шәһәр хисабына сатып алынган.
Кызыклы яңалыкларны күзәтеп бару өчен Телеграм-каналга язылыгыз