news_header_top_970_100
news_header_bot_970_100

Губернаторларның илкүләм рейтингында Рөстәм Миңнеханов өченче урынны алган

Беренче урында - Ямал-Ненец автономияле округы башлыгы Дмитрий Кобылкин

(Казан, 7 июль, “Татар-информ”). ТР Президенты вазифаларын вакытлыча башкаручы Рөстәм Миңнеханов губернаторларның илкүләм рейтингында өченче урынны алган. Аны май һәм июнь тикшеренүләре нәтиҗәсенә карап, “Рейтинг” мәгълүмати коммуникацияләр үзәге төзегән. Элегрәк Татарстан лидеры рейтингта беренче иде, әмма май-июнь аенда аның урынын Ямал-Ненец автономияле округы башлыгы Дмитрий Кобылкин алган.

Рейтингы төзегән вакытта тикшеренүчеләр  ачык чыганак һәм инсайдер мәгълүматларына таянган, әмма төп игътибар, традиция буенча, төбәк һәм федераль экспертлар фикеренә бирелгән. Нәкъ менә әлеге мәгълүмат чыганагы тикшеренүнең ахыргы нәтиҗәләрен билгеләгән.

Рейтингның лидерлар бишлегенә Ямал-Ненец автономияле округы башлыгы Дмитрий Кобылкин (рейтингта өч баскыч югары күтәрелгән), Белгород өлкәсе башлыгы Евгений Савченко (узган апрель рейтингы белән чагыштырганда, үз позициясен саклап калган), ТР Президенты вазифаларын вакытлыча башкаручы Рөстәм Миңнеханов, Төмән өлкәсе башлыгы Владимир Якушев (өченчедән дүртенче урынга төшкән) һәм Кемерово өлкәсе башлыгы Аман Тулеев (үз позициясен саклап калган) кергән.

news_right_column_1_240_400
news_right_column_2_240_400
Медиаметрикс
news_bot_970_100