Җәмгыять 12 март 2010 16:21

ГТЮ Казан бүлеге Җиңүнең 65 еллыгына әзерләнә

Тимерьюлчыларның шифаханә-профилакторийларында март-апрель айларында сугыш инвалидлары сәламәтлекләрен ныгытачак

Скопировать ссылку

(Казан, 12 март, “Татар-информ”). Бөек Җиңүнең 65 еллыгын бәйрәм итүгә әзерлек буенча оештыру комитеты утырышында Горький тимер юлы Казан бүлеге җитәкчелеге әзерлек эшләренең өстенлекле юнәлешләрен билгеләде. Мәсәлән, сугыш һәм тыл ветераннарына тимерьюлчылар хастаханәсендә махсус медицина ярдәме оештырылачак. Биредә элеккеге тимерьюлчы ветераннар сәламәтлекләрен тикшертеп, өстәмә дәвалану курслары уза алачак.
Казан бүлегенең элеккеге хезмәткәрләре булган, бүгенге көндә Казанда, Яшел Үзән районында, Чувашстанның Ибресинский районында яшәүче ветераннарның торакларына косметик төзекләндерү эшләре үткәреләчәк, дип хәбәр итә ГТЮ Казан бүлегенең җәмәгатьчелек белән элемтәләр хезмәте. Бу максатларга 170 мең сум финанслар бүленгән. Тимерьюлчыларның шифаханә-профилакторийлары да март-апрель айларында сугыш инвалидларын кабул итә. Биредә алар Горький тимер юлы исәбенә сәламәтлекләрен ныгытачак.
Башка чараларга килгәндә, юбилейга кадәр Бөек Ватан сугышы каһарманнарына куелган истәлек такталары, һәйкәлләр һәм обелискларны төзекләндереп бетерү бурычы куелган.

Сәхифәләр

ГТЮ Казан бүлеге Җиңүнең 65 еллыгына әзерләнә