Җәмгыять 8 февраль 2010 13:26

ГТЮ да гыйнвар аенда 3 млн. 325 мең пассажирга хезмәт күрсәтелгән

Бу, узган елның шул чорына караганда, 32,5 процентка азрак

Скопировать ссылку

(Казан, 8 февраль, “Татар-информ”). Агымдагы елның гыйнварында, узган елның шул чорына караганда, Горький тимер юлында пассажирлар ташу күләме 32,5 процентка кыскарган. 2010 елның беренче аенда Горький бүлегендә 1 млн. 579 мең пассажирга, Муром бүлегендә -200 мең, Киров бүлегендә -513 мең пассажирга хезмәт күрсәтелгән. Бу чорда Казан бүлеге аша -711 мең, Ижевски бүлеге аша-322 мең пассажир узган. Гыйнвар аенда магистральдә барлыгы 3 млн. 325 мең пассажирга хезмәт күрсәтелгән.

Узган айда Горький тимер юлыннан файдаланучы пассажирларның 495 меңе ерак араларга баручылар. Поездларда ерак юлга чыгучылар күләме узган елның гыйнвары дәрәҗәсендә сакланып калган. Ә менә шәһәр яны поездларыннан файдаланучылар саны кимегән. 2010 елның гыйнварында шәһәр яны поездларыннан 2 млн. 830 мең кеше файдаланган. Бу күрсәткеч, узган елга караганда, 36 процентка азрак.
Пассажирлар әйләнеше күләменә килгәндә, ерак араларга йөрүче поездларда ул узган елга караганда 13,6 процентка кимрәк. Шәһәр яны маршрутларында да 47,6 процентка азрак. Бу хакта Горький тимер юлының җәмәгатьчелек белән элемтәләр хезмәте хәбәр итә.

Сәхифәләр

ГТЮ да гыйнвар аенда 3 млн. 325 мең пассажирга хезмәт күрсәтелгән