Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Гражданнарның мөрәҗәгатен караганда закон бозуларны Татарстан прокуратурасы ачыклаган
2018 елның беренче ярты елында җирле үзидарә органнары гамәлләренә шикаятьләр саны 24 процентка арткан.
(Казан, 5 сентябрь, «Татар-информ»). Татарстан прокуратурасы, гражданнарның мөрәҗәгатен караганда, закон бозу очраклары булуы турында әйтте. Бу турыда «Татар-информ»га Татарстан прокуроры ярдәмчесе вазифаларын башкаручы Екатерина Гудкова хәбәр итте.
Күзәтчелек ведомствосы, гражданнар мөрәҗәгатьләрен караганда, закон үтәү буенча түрәләрне тикшерде.
Шулай итеп, 2018 елның беренче ярты елында республикада яшәүчеләрнең түрәләр гамәлләренә шикаятьләр саны 24 процентка арткан. Мөрәҗәгатьләрнең бары тик 21 проценты гына нигезле дип табылган.
Иң киң таралган хокук бозу очракларына мөрәҗәгатькә язмача җавап бирмәү, халыктан кергән гаризаны 30 көнлек срокта карауны үтәмәү, шулай ук гражданарын кабул иткәндә системалы хокук бозулар керә.
Күзәтчелек ведомствосы татарстанлылар мөрәҗәгате белән эшләгәндә, беренче ярты елда 500дән артык хокук бозу очрагын ачыклаган. Тикшерүләр буенча 241 вазифаи зат дисциплинар җаваплылыкка, тагын 67 вазифаи зат административ җаваплылыкка тартылган.
Кызыклы яңалыкларны күзәтеп бару өчен Телеграм-каналга язылыгыз