Сәясәт 25 июль 2017 17:05

Гражданлык алганда ант бирү турындагы канун хупланган

Россия Федерациясе гражданлыгын алучы чит ил кешеләре Россиягә тугрылыклы булуы турында ант бирәчәк.

Скопировать ссылку

(Казан, 25 июль, «Татар-информ»). Быелның сентябреннән Россия Федерациясе гражданлыгын алучы чит ил кешеләре Россиягә тугрылыклы булулары турында ант бирәчәк.

Канун текстына антның расланган тексты кертелгән. Әлеге сүзләрне чит ил гражданы аңа Россия гражданы исемен бирү турындагы карар чыгарылгач әйтергә тиеш. Ант әйтүдән баш тарту аны кире кагу өчен нигез булачак, диелә “Российская газета” хәбәрендә.

Әмма ант бирү турындагы гамәл бөтен кешегә дә кагылмый: унсигез яше тулмаганнар, яисә эшкә сәләтсезләр, мөмкинлеге чикләнгәннәр, ант текстын укый алмаганнар яки текст астында имзасын куярга сәләтле булмаганнар бу эшне үтәмәячәк.

Канун нигезендә, террорчылык яки экстремизм юнәлешендәге җинаять кылыну да гражданлыкны кире алу өчен нигез булып тора.

Әлеге канун быелның 1 сентябреннән үз көченә керә.

#Россия гражданлыгы

Сәхифәләр

Гражданлык алганда ант бирү турындагы канун хупланган