Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Горький паркында Татарстан һәм Башкортстан иҗат төркемнәренең уртак концерты була
Сишәмбе, 30 июнь көнне, Горький исемендәге паркта «Бию – ул халык җаны» дип аталган мәдәни фестиваль кысаларында саф һавада биюләргә бай матур концерт уздырыла. Бер сәхнәдә Татарстан һәм Башкортстанның иң өлкән ике иҗат төркеме чыгыш ясаячак. Фестиваль кунакларын мәдәни мирасны саклауга, милләтара бердәмлекне ныгытуга багышланган халык сәнгате кичәсенә чакыралар. Бу хакта Казан мэриясе матбугат хезмәте хәбәр итә.
Татарстан Республикасы Дәүләт җыр һәм бию ансамбле күп еллар дәвамында татар халкының музыка, җыр һәм бию традицияләрен саклап яши, аны заманча яңгырата. Фәйзи Гаскәров исемендәге халык биюләре ансамбле исә башкорт бию сәнгатен саклаучы төп иҗат төркеме булып тора. Аларның һәр чыгышы халык гореф-гадәтләрен, риваятьләрен һәм йолаларын чагылдыра.
Бәйрәм программасы 18:00 сәгатьтә тематик мәйданчыклар, фотозоналар эшеннән башлана. Әлеге мәйданчыкларда кунаклар халык иҗаты белән якыннанрак таныша ала. Төп концерт 19:00 сәгатьтә башлана. Сәхнәгә бию осталыклары белән тамашачы мәхәббәтен яулаган, Татарстан һәм Башкортстан данын еракларга таныткан тәҗрибәле артистлар чыгачак, дип хәбәр итә Мәгълүмати технологияләр һәм элемтә идарәсе.
Бию сәнгатенә багышланган әлеге күркәм фестиваль бушлай оештырыла.
Кызыклы яңалыкларны күзәтеп бару өчен Телеграм-каналга язылыгыз