Спорт 8 март 2020 09:23

Горки-Әмәт урманында «Чаңгыда сәламәтлек көне» акциясенең финалы була

Ярышта интернат-йортларда тәрбияләнүчеләр катнаша.

Скопировать ссылку

(Казан, 8 март, «Татар-информ»). 10 мартта Казанның Горки-Әмәт урманында «Чаңгыда сәламәтлек көне» акциясенең финал ярышы узачак. Йөгерешләрдә интернат-йортларда тәрбияләнүчеләр катнаша. Бу турыда Казан мэриясе матбуг хезмәте хәбәр итте.

Төрле мастер-классларда үз көчләрен сынап караган катнашучылар финалда чыгыш ясый.

Биредә шулай ук мәдәни программа да була.

Әлеге акция гыйнвар аенда башланды. Укучылар өчен чаңгы әзерлеге буенча дәресләр, Казанның алдынгы спортчыларыннан чаңгыда йөрү буенча мастер-класслар үткәрелде.

#Горки-Әмәт урманы #чаңгы

Сәхифәләр

Горки-Әмәт урманында «Чаңгыда сәламәтлек көне» акциясенең финалы була