Гонконгта мозаикада Казанның «Кол Шәриф» мәчетен сурәтләгәннәр
Скопировать ссылку
Гонконгта (Кытайның махсус административ районы) билгесез автор Казанның «Кол Шәриф» мәчетен мозаикада сурәтләгән. Бу хакта ТР Рәисе матбугат хезмәте җитәкчесе Лилия Галимова Telegram-каналында сөйләде.
«Гаҗәеп нәрсәләр якында гына... дөресрәге, меңләгән километр ераклыкта. Гонконг урамында менә шундый мозаикага тап булдым. Таныйсызмы? Күрәсең, автор Кол Шәриф мәчетенең матурлыгына сокланган һәм аны һәркем күрергә тиеш дигән карарга килгән», - дип язган Галимова.
Казан Кремлендәге «Кол Шәриф» мәчете 1996-2005 елларда төзелгән. Ул Казанның һәм бөтен Татарстанның төп җәмигъ мәчете.