Гөлшат Галиева Балык Бистәсе районы ЗАГС җитәкчесе итеп билгеләнде
Скопировать ссылку
Бүген Татарстан Республикасы Министрлар Кабинетының ЗАГС идарәсендә Балык Бистәсе районы ЗАГСының яңа җитәкчесе Гөлшат Галиеваны тәкъдим иттеләр. Бу хакта «Татар-информ»га ТР Министрлар Кабинетының ЗАГС идарәсе матбугат хезмәтендә хәбәр иттеләр.
«Балык Бистәсе районы ЗАГС бүлеге җитәкчесе итеп Галиева Гөлшат Рифкать кызы билгеләнде. Ул моңарчы район мәдәният йортының методик бүлеге мөдире булып эшләде», – дип сөйләделәр матбугат хезмәтендә.
Гөлшат Галиева белеме буенча юрист. Ул 2012 елдан «Ышаныч» халыкка социаль хезмәт күрсәтү комплекслы үзәгендә эшләгән.