Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Голикова һәм Мурашко «Крокус»та теракттан соң хастаханәдә дәваланучылар турында сөйләде
Вице-премьер Татьяна Голикова һәм сәламәтлек саклау министры Михаил Мурашко «Крокус Сити Холл»да теракттан соң хастаханәдә дәваланучыларның хәле турында сөйләде, дип яза «Татар-информ».
Хәзерге вакытта хастаханәләрдә 107 пациент дәвалана, шул исәптән өч бала. Бер бала бик авыр хәлдә, ике бала – авыр хәлдә. Өлкәннәр арасында 15 кеше бик авыр хәлдә, 42 кеше авыр хәлдә.
«Без барлык дәвалау учреждениеләре белән актив элемтәдә торабыз. Хәзер без Мәскәү өлкә хастаханәләреннән пациентлар китерелгән Пирогов хирургия үзәгендә», - дип сөйләде Татьяна Голикова.
Ул кан, медикаментлар һәм бәйләү материаллары җитәрлек булуын ассызыклады.
Михаил Мурашко әйтүенчә, теракт вакытында зыян күргән пациентларның күбесенең хәле яхшыра.
Зыян күрүчеләрнең кайберләре федераль медицина үзәкләренә күчерелгән.
- 22 мартта җинаятьчеләр Мәскәү өлкәсендәге «Крокус Сити Холл»да Калашников автоматларыннан тыныч гражданнарга ут ачты, аннан соң янгын чыгарды. Бу факт буенча террорчылык турында җинаять эше кузгатылды. Террорчылар тоткарланды. Хәзерге вакытта рәсми рәвештә 133 кеше һәлак булуы билгеле, әмма теракт корбаннары саны арту дәвам итә.
Кызыклы яңалыкларны күзәтеп бару өчен Телеграм-каналга язылыгыз