news_header_top_970_100
news_header_bot_970_100

Глеб Алексеев мактаулы исемгә лаек була

ТР Президенты Карары нигезендә ТР Сәламәтлек саклау министрлыгының Республика һәлакәтләр медицинасы үзәге директоры Глеб Алексеев “Татарстан Республикасының атказанган табибы” дигән мактаулы исемгә лаек була

(Казан, 12 ноябрь, “Татар-информ”). ТР Президенты Карары нигезендә ТР Сәламәтлек саклау министрлыгының Республика һәлакәтләр медицинасы үзәге директоры Глеб Алексеев “Татарстан Республикасының атказанган табибы” дигән мактаулы исемгә лаек була.
ТР Сәламәтлек саклау министрлыгының матбугат хезмәте хәбәр иткәнчә, Глеб Алексеев 1987 елда Казан дәүләт медицина институтының дәвалау-профилактика факультетын тәмамлый. 1990 елга кадәр Казанның 6-нчы сырхауханәсендә цех терапевты булып эшли. 1992 елда медицина институтының эчке авырулар кафедрасы каршында клиник ординатураны тәмамлап, Казандагы Н.Медведев исемендәге йөрәк-кан тамырлары хирургиясе үзәгенә кардиолог булып урнаша. 1999-2004 елларда Төбәкара клиника-диагностика үзәгендә терапевт булып эшли. 2004 елның 2 августында клиника директорының оештыру-методик эше буенча урынбасары итеп билгеләнә. Республика һәлакәтләр медицинасы үзәге директоры вазифасын исә быелның сентябреннән башкара.

news_right_column_1_240_400
news_right_column_2_240_400
news_bot_970_100