«Татар-информ» баш мөхәрриренә Татарстанның атказанган матбугат хезмәткәре исеме бирелде
Скопировать ссылку
«Татар-информ» агентлыгының баш мөхәррире Ринат Билаловка ТР Рәисе Рөстәм Миңнеханов указы белән «Татарстан Республикасының атказанган матбугат һәм массакүләм коммуникацияләр хезмәткәре» дигән мактаулы исем бирелде. Медиаменеджерга мактаулы исемне ТР Премьер-министры урынбасары Ләйлә Фазлыева тапшырды.
«Катлаулы хәлләр килеп туганда Татарстан халкына мәгълүмат бирү һәм аңлату эшендә максималь катнашканыгыз өчен рәхмәт белдерәм. Халык хәтеренә, Бөек Ватан сугышында Җиңүнең 80 еллыгына бәйле вакыйгаларны яктыртканыгыз өчен барыгызга да рәхмәт», -диде сәламләү сүзендә Фазлыева.
Дәүләт бүләкләре Казанда «Бәллүр каләм» конкурсының финалы кысаларында тапшырыла.