«ГИТИСФЕСТ» фестивалендә катнашучылар Казанда өч спектакль күрсәтте
Казанга «А.С.Попов» теплоходында «ГИТИСФЕСТ: Театраль Идел буе 2026» халыкара фестиваль-лабораториясе катнашучылары килде. «Созвездие – Йолдызлык» театрында алар өч спектакль эскизын куйдылар.
«Бүген без уникаль чараның шаһитлары булдык. Теплоход пассажирларының яртысы – РАТИ-ГИТИС студентлары, ә икенче яртысы – «Театраль Идел буе» фестивале җиңүчеләре. Быел алар арасында Татарстанның «Апуш» театры да бар. Проект үз юлын Саратовта башлады, Түбән Новгородта тәмамлаячак», – дип сөйләде журналистларга ТР мәдәният министры урынбасары Дамир Натфуллин.
Фото: © «Татар-информ», Владимир Васильев
Балалар һәм яшьләр театрларының ГИТИС студентлары белән иҗат берлегендә берничә спектакль барлыкка килде, аларның эскизлары бүген Казанда күрсәтелде.