Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Гинцбург прививка ясаткан кешеләрнең дә ковид белән авыру сәбәбен аңлатты
«Дельта» штаммы булганда хәтер күзәнәкләре эшләп өлгерми.
(Казан, 30 октябрь, «Татар-информ»). Коронавируска каршы прививка ясаткан кешеләр «дельта» штаммы булганда хәтер күзәнәкләренең эшләп өлгермәве аркасында авырырга мөмкин.
«Прививка ясаткан кешеләр дә авырый, чөнки „дельта“ штаммы булганда хәтер күзәнәкләре эшләп өлгерми. „Дельта“ штаммы күзәнәкләр белән бәйләнеш характерын үзгәртте һәм күзәнәкләр эчендә „яши“. Антитәнчекләр аз булганда вирус күзәнәкләр эченә керергә өлгерә», — дип аңлатты Гамалея исемендәге Эпидемиология һәм микробиология тикшеренү үзәге директоры Александр Гинцбург.
Гинцбург аңлатканча, кагыйдә буларак, 6-8 айдан соң авырган кешедә антитәнчекләр кими, әмма хәтер күзәнәкләре саклана, ләкин алар вирус йоктырганнан соң, бик соң гына, икенче-дүртенче көнгә антитәнчекләр бүлеп чыгара башлый. Вирус бер күзәнәктән чыкмыйча гына икенчесенә күчә һәм бик күп булып җыела, дип яза галимгә сылтама РИА Новости.
Шуңа күрә канда һәрвакыт күп күләмдә антитәнчекләр булырга тиеш, моның өчен ярты ел саен ревакцинация ясап торырга кирәк, дип аңлатты галим.
Кызыклы яңалыкларны күзәтеп бару өчен Телеграм-каналга язылыгыз