news_header_top
16+
news_header_bot
news_top

Гидрометеорология үзәге: Татарстанда гыйнвар ае нормадан бер градуска җылырак була

Гидрометеорология үзәге: Татарстанда гыйнвар ае нормадан бер градуска җылырак була
Фото: © «Татар-информ», Владимир Васильев

Татарстанда 2025 елның гыйнвар ае нормадан бер градуска җылырак һәм гадәттәгечә карлы була. Бу ТР Гидрометеорология үзәгенең айлык фаразыннан билгеле булды.

1-31 гыйнвар аралыгы өчен климат нормасы гомумән республикада -10,9 градус, ә Казанда -10,0 градусны тәшкил итә. Шулай итеп, уртача һава температурасы -9,9 һәм -9,0 градус була.

Әлеге фараз чынга ашкан очракта, бу температура фоны декабрь азагы белән чагыштырганда сизелерлек дәрәҗәдә түбәнәюне аңлатачак (синоптиклар мәгълүматларына караганда, кышның беренче аеның соңгы ункөнлегендә уртача һава температурасы климатик нормадан җиде градуска югарырак булырга мөмкин).

Шул ук вакытта гыйнварда явым-төшем күләме климатик нормага якынлашыр дип көтелә. Норма исә ТР башкаласында 46 миллиметр, ә төбәктә 33 миллиметрны тәшкил итә.

news_right_1
news_right_2
news_bot