Гидрометеорология үзәге: Татарстанда август ае нормадан бер градуска җылырак булачак
Скопировать ссылку
Июльнең соңгы ункөнлегендә аномаль эссе һава торышы хакимлек итте. Августта да җылы һава торышы көтелә. Бу ТР Гидрометеорология үзәге фаразыннан күренә.
Республика территориясендә җәйнең өченче аенда һаваның уртача температурасы нормадан бер градуска югарырак булачак. Август өчен төбәктә уртача температура +17,7 градус, ә Казан өчен +18,3 градус тәшкил итә. Шулай итеп, алдагы айда уртача температура +18,7 һәм +19,3 градус булыр, дип көтелә.
Шул ук вакытта айлык явым-төшем күләме уртача күпьеллык күрсәткечкә якын булыр дип фаразлана. Татарстан һәм аның башкаласы өчен бу 54 миллиметр.