Әгерҗенең яшь хоккейчылары ярымфиналга чыкты
Әгерҗелеләр кукмаралыларны 18:0, алабугалыларны 11:2, мамадышлыларны 16:2 исәбе белән җиңгән.
Скопировать ссылку
(Казан, 12 гыйнвар, "Татар-информ"). Әгерҗенең “Спутник“ хоккей командасында шөгыльләнүче 8-9 яшьлек малайлар беренче тапкыр Кукмарада узган республика ярышында катнаштылар. Әгерҗе муниципаль районы рәсми сайтында хәбәр ителгәнчә, бәйгедә алты команда көч сынашкан.
Әгерҗелеләр кукмаралыларны 18:0, алабугалыларны 11:2, мамадышлыларны 16:2 исәбе белән җиңгән.
Аннан ике командага җиңелеп, Әгерҗе командасы өченче урын алган.
Шулай итеп, “Спутник“ командасы тиздән Арчада ярымфинал уеннарында сыналачак.