Фән һәм мәгариф 1 сентябрь 2018 20:00

Әгерҗенең өч мәктәбенә яшь укытучылар эшкә килгән

Районда барлыгы 15 яшь белгеч хезмәт куя.

Скопировать ссылку

(Казан, 1 сентябрь, "Татар-информ", "Әгерҗе хәбәрләре"). Быел Әгерҗенең 4 нче мәктәбенә, Тирсә, Красный Бор мәктәпләренә яшь укытучылар килде. Районда барлыгы 15 яшь белгеч хезмәт куя, дип яза район басмасы.

Район мәгариф идарәсе карамагында 14 урта, 3 төп, 1 башлангыч мәктәп, 5 башлангыч мәктәп-балалар бакчасы, 11 мәктәпкәчә учреждение, берәр өстәмә белем бирү һәм коррекцион мәктәп – барлыгы 34 оешма бар.

Белем бирү учреждениеләрендә 755 (мәктәпләрдә – 545, балалар бакчаларында – 186, өстәмә белем бирүдә 24) педагог эшли.

Мәктәпләрдә 358 педагог югары һәм беренче квалификацион категориягә ия. Мөгаллимнәрнең 83 проценты (451 кеше) – югары белемле.

Кырынды һәм Пеләмеш башлангыч мәктәп-балалар бакчаларында ата-аналар советы эшчәнлеге югары.

Максатчан юллама нигезендә 20 студент педагогик ВУЗларда белем ала.

Балалар бакчаларында 97 кеше югары һәм беренче квалификацион категория алган. 2018 елның беренче яртыеллыгында укытучыларның уртача хезмәт хакы – 30789, тәрбиячеләрнеке – 27388, өстәмә белем бирү педагогларыныкы 31112 сум.

#әгерҗе #яшь белгеч #педагог

Сәхифәләр

Әгерҗенең өч мәктәбенә яшь укытучылар эшкә килгән