Әгерҗедә ятимнәргә фатирлар бирелде
Фатир ачкычларын район башлыгы Валерий Макаров һәм “Бөтенроссия халык фронты“ вәкиле Равил Хөснуллин тапшырды.
Скопировать ссылку
(Казан, 10 сеннтябрь, “Татар-информ”). Әгерҗедә кичә ятимнәргә тантаналы шартларда фатир ачкычлары тапшырылды, диелә “Әгерҗе хәбәрләре” басмасында.
“Авангард“ кинотеатры бинасында район башлыгы Валерий Макаров һәм “Бөтенроссия халык фронты“ның Татарстан төбәгендәге башкарма комитеты җитәкчесе Равил Хөснуллин кулларыннан фатир ачкычлары кабул итеп алган бәхет ияләре: Диана Семенова, Әлфинә Сәлимова, Рузана Исламова, Айдар Вәлиев. Аларның барысына да фатирлар Энгельс урамындагы йорттан бирелгән. Инде шушы көннәрдә өй хуҗалары яңа фатирларына күченә дә башлый.
