Фән һәм мәгариф 17 декабрь 2018 09:00

Әгерҗедә тәрбиячеләр һәм әти-әниләр юл йөрү кагыйдәләре буенча осталыкларын күрсәттеләр

Һәр командага истәлекле бүләкләр, дипломнар тапшырылды.

Скопировать ссылку

(Әгерҗе, 17 декабрь, "Татар-информ", "Әгерҗе хәбәрләре", Элина Даутова). Әгерҗенең 8нче балалар бакчасында педагоглар һәм әти-әниләр “Юл йөрү кагыйдәләре агитбригадасы“ конкурсында сыналдылар. Бу турыда җирле басма хәбәр итә.

“Юл билгеләре“, “ПДДыщ“, “Юл-иҗат патруле“ һәм “STOP“ командалары “Визитка“, “Юл йөрү кагыйдәләрен иң яхшы белүчеләр“ бәйгеләрендә осталыкларын күрсәттеләр. Иң кызыклы бирем “Иҗади конкурс“ булды.

Юлларда куркынычсызлык кагыйдәләрен саклауны үз эченә алырга тиеш булган әлеге бәйгедә катнашучылар әкият тә күрсәттеләр, биюләр дә башкардылар.

"Иң мөһиме – безнең балалар һәм аларның сәламәтлеге. Аларны кече яшьтән үз үрнәгегездә юлда йөрү кагыйдәләренә өйрәтегез", – дип мөрәҗәгать итте “Юл хәрәкәте куркынычсызлыгы" учреждениесе начальнигы Раушания Тимкина һәм һәр командага истәлекле бүләкләр, дипломнар тапшырды.

#Әгерҗе хәбәрләре

Сәхифәләр

Әгерҗедә тәрбиячеләр һәм әти-әниләр юл йөрү кагыйдәләре буенча осталыкларын күрсәттеләр