Әгерҗедә мөселманнар арасында футбол турниры уза
Мөселманнар арасында әлеге турнир “Олимп” спорт-сәламәтләндерү комплексында икенче тапкыр уза.
Скопировать ссылку
(Әгерҗе, 3 март, "Татар-информ", "Әгерҗе хәбәрләре"). Әгерҗегә республиканың төрле районнарыннан, Удмуртиядән барлыгы 12 команда мини-футбол уеннарына җыелдылар. Бу турыда җирле басма хәбәр итә.
Мөселманнар арасында әлеге турнир “Олимп” спорт-сәламәтләндерү комплексында икенче тапкыр уза. Командаларны район башлыгы урынбасары Ришат Нурисламов һәм район имам-мөхтәсибе Габделкәрим хәзрәт Гыйззәтуллин сәламләделәр.
Бу безне берләштерә, якынайта, дуслаштыра торган бәйрәм, – диде Габделкәрим хәзрәт. Ришат Тимерович уенчыларга матур уеннар теләде. Иң беренче футбол кырына Минзәлә һәм Ижау командалары чыкты.