Әгерҗедә беренче сыйныфка баручы балаларга бүләк бирделәр
Булачак укучыларга язу-сызу кирәк-яраклары, икенче аяк киеме өчен капчык, йомшак уенчыклар бүләк иттеләр.
Скопировать ссылку
(Әгерҗе, 29 август, “Татар-информ“, "Әгерҗе хәбәрләре", Миләүшә Ягъфәрова). Әгерҗедәге “Кировское“ ТОСы рәисе Клара Безбородова җитәкчелегендәге активистлар беренче сыйныфка баручы малай-кызларга бүләк ясады. Бу турыда район басмасы хәбәр итә.
Алар булачак өч укучыга язу-сызу кирәк-яраклары, икенче аяк киеме өчен капчык, йомшак уенчыклар бүләк иттеләр.
"Балалар һәм әти-әниләрдән рәхмәт сүзләре ишетү бик күңелле булды. Ә булачак беренчеләргә яхшы укуларын, тәртипле булуларын теләдек", – диде Клара Васильевна.