Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әгерҗе тимер юл станциясенә 90 ел тула
1920 елның 1 июлендә Казан-Екатеринбург тимер юлы буйлап Әгерҗе станциясе аша Мәскәүдән тәүге поезд уза
(Казан, 9 сентябрь, “Татар-информ”). Горький тимер юлының Әгерҗе станциясенә 90 ел тула. Станция тарихы тагын да иртәрәк башлана. ΧΙΧ гасырның 60 нчы елларында илдә 3 төп тимер юл проекты хакында актив фикер алышулар барган. Казаннан Сарапул, Красноуфимски, Екатеринбург, Камышлов аша Төмәнгә юл төзелеше шуларның берсе булган. Әлеге проект император Александр ΙΙ тарафыннан 1887 елда ук расланса да, аны гамәлгә ашыру рус-төрек сугышы чыгу сәбәпле, кичектерелә.
1910 елда Мәскәү-Казан тимер юлы җәмгыяте идарәсе рәисе фон Мек яңадан Казан-Екатеринбург линиясе төзелешен күтәреп чыга. 1914 елның җәендә, ниһаять, эшләр башлана. Революция һәм гражданнар сугышы елларында төзелгән өлеше дә җимерелә. Тимер юл хуҗалыгын яңадан торгызу 1919 елда башлана. 1920 елның 1 июлендә Казан-Екатеринбург тимер юлы буйлап Әгерҗе станциясе аша Мәскәүдән тәүге поезд уза. Шул ук елның сентябрендә Мәскәүдән Екатеринбургка станөия аша поездларның даими хәрәкәте ачыла.
Хәзерге вакытта Әгерҗе станциясе Горький магистралендә иң эре станцияләрнең берсе. Биредә тимер юл предприятиеләре: локомотив эксплуатация депосы, ремонт, вагон деполары, юл дистанциясе, машина станциясе урнашкан.
Кызыклы яңалыкларны күзәтеп бару өчен Телеграм-каналга язылыгыз