Әгерҗе районының Кодаш авылында Җиңү бәйрәменә багышланган митинг узды
Бәйрәмдә тыл ветераннарына бүләкләр тапшырылды.
Скопировать ссылку
(Әгерҗе, 7 май, “Татар-информ“, "Әгерҗе хәбәрләре", Миләүшә Ягъфәрова). Әгерҗе районының Кодаш авыл җирлегенә караган Кодаш һәм Биектау авылларында 9 Май – Җиңү бәйрәменә багышланган митинг узды. Бу турыда җирле басма хәбәр итә.
Дәһшәтле сугыш елларында яу кырында башларын салган, туган якка кайткач вафат булган батырларны бер минут тынлык белән искә алдылар.
Кызганычка, безнең җирлектә бер генә сугыш ветераны да юк инде. Тыл ветераннарының да сафлары сирәгәя. Әмма сугыш елларында сез күрсәткән батырлыкны безнең онытырга хакыбыз юк, – диде Кодаш авыл җирлеге башлыгы Фәнис Шакиров һәм тыл ветераннарына бүләкләр тапшырды.