Фән һәм мәгариф 16 декабрь 2018 09:00

Әгерҗе районының Иж-Бубый мәктәбендә олимпиада җиңүчеләре билгеле булды

Бу чарада 4,5,6,7 татар сыйныфлары һәм төркемнәрендә белем алучы тугыз мәктәптән 27 укучы катнашты.

Скопировать ссылку

(Әгерҗе, 16 декабрь, "Татар-информ", "Әгерҗе хәбәрләре"). Әгерҗе районы бертуган Бубилар исемендәге Иж-Бубый мәктәбендә “Яшь белгеч” III районкүләм предметлар олимпиадасы җиңүчеләре билгеле булды. Бу турыда район басмасы хәбәр итә.

Олимпиада мәгърифәтче Бубилар мирасын, үз халкыңнын үткәнен барлау, аны өйрәнү, туган якның тарихын һәм мәдәниятен саклап калу эшендә яшь буынны берләштерү, укучыларда милли үзаң тәрбияләү максатыннан оештырылды.

Бу чарада 4,5,6,7 татар сыйныфлары һәм төркемнәрендә белем алучы 9 мәктәптән 27 укучы катнашты.

Олимпиада Иж-Бубый авылының тарихын һәм мәдәниятен, Бубилар мирасын өйрәнү белән бәйле булган, Иж-Бубый мәдрәсәсенең укыту планындагы дәресләр комплексы (математика, география, тарих, рус теле, технология, физика, татар теле) буенча үткәрелде.

Җиңүчеләр исемлеге "Әгерҗе хәбәрләре" район газетасы сайтында.

#Әгерҗе хәбәрләре

Сәхифәләр

Әгерҗе районының Иж-Бубый мәктәбендә олимпиада җиңүчеләре билгеле булды