Әгерҗе районында котыру авыруы буенча карантин бетерелде
Иске Чокалы һәм Кадыбаш авылларында карантин бетерелү турындагы указга Республика Президенты кул куйган.
Скопировать ссылку
(Казан, 25 декабрь, "Татар-информ"). Әгерҗе районында ике авылда октябрь аенда ачыкланган котыру авыруы буенча билгеләнгән карантин бетерелде. Татарстан Президенты Рөстәм Миңнеханов тарафыннан имзаланган тиешле указ республиканың документлар әйләнеше рәсми сайтында басылган.
Указда “Әгерҗе районында Иске Чокалы һәм Кадыбаш авылларында терлекләрдә котыру авыруы булу сәбәпле кертелгән карантинны бетерергә”, диелгән.
Документ 22 декабрьдә имзаланган һәм шул көнне үз көченә кергән.