Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Әгерҗе районында иң күп сөт савучы һәм иң яхшы бозау караучыны ачыкладылар
Бәйгедә җиңгән терлекчеләргә “Нәүрүз“ ширкәте директоры Радик Мәүлиев премияләр тапшыра.
(Әгерҗе, 27 март, “Татар-информ“, "Әгерҗе хәбәрләре", Миләүшә Ягъфәрова). Әгерҗе районының “Нәүрүз“ ширкәте җитәкчелеге быел терлекчеләр арасында “Иң күп сөт савучы“ һәм “Иң яхшы бозау караучы“ бәйгеләре игълан иткән иде. Шушы көннәрдә февраль ае җиңүчеләрен ачыкладылар. Бу турыда җирле басма хәбәр итә.
“Иң күп сөт савучы“ – мегафермадан Фирүзә Вәлиулллина. Ул узган айда 68 мең кило сөт сауган.
Мегафермадан Айсинә Сәхәбиева һәм Варкләд-Бодьядан Надежда Тимбекова февраль аендагы эш нәтиҗәләре буенча “Иң яхшы бозау караучы“ исеменә лаек булдылар. Айсинә Сәхәбиева карамагында 82 баш өч айга кадәрге бозаулар. Ул тәүлеклек артымны 1050 граммга кадәр җиткергән һәм малларның баш санын саклап калган.
Надежда Тимбекова 60 бозау тәрбияли. Тәүлеклек артым 942 грамм тәшкил иткән. Яшь бозауларның үлем очраклары булмаган.
Бәйгедә җиңгән терлекчеләргә “Нәүрүз“ ширкәте директоры Радик Мәүлиев премияләр тапшыра.
Кызыклы яңалыкларны күзәтеп бару өчен Телеграм-каналга язылыгыз