Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әгерҗе районында агач таулар популярлаша бара
Әти-әниләр кышкы матур көннәрдә ялларны күңелле, файдалы, кызыклы итеп уздыру мөмкинлеге бирүчеләргә рәхмәтле.
(Әгерҗе, 17 гыйнвар, “Татар-информ”, “Әгерҗе хәбәрләре”). Әгерҗедә соңгы елларда кыш көне халык күп йөри торган урыннарда агачтан таулар ясау матур гадәткә әйләнде. Быел әлеге мәһабәт тауларны “Яшьлек“ паркында, стадионда, тагын 3 урамда ясадылар. 3-5 метр биеклектәге 15 метрга кадәр озынлыктагы таулар куркынычсызлык таләпләренә туры китереп эшләнгән, дип яза “Әгерҗе хәбәрләре” газетасы.
Ясалма таулардан көнозын кеше өзелми. Балалар йөзләр алсуланганчы, кул-аяклар туңганчы шау-гөр килеп тау шуа. Ә кичләрен әти-әниләр сабыйлары белән килә.
Әгерҗедәге кебек таулар хәзер авылларда да барлыкка килә башлады. Мисалга, Яңа ел алдыннан Тирсә Мәдәният йорты янында ясалган тау яны авыл халкының гына түгел, кунакка кайтучыларның да яратып йөри торган урынына әйләнгән. Әти-әниләр кышкы матур көннәрдә ялларны күңелле, файдалы, кызыклы итеп уздыру мөмкинлеге бирүчеләргә рәхмәтле, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз