Җәмгыять 26 сентябрь 2017 02:00

Әгерҗе районы Салагыш китапханәсенең йөз еллык юбилеен бәйрәм иттеләр

Зур уңышларга ирешкән алдынгы хезмәткәрләргә Мактау грамоталары һәм бүләкләр тапшырылды.

Скопировать ссылку

(Әгерҗе, 26 сентябрь,"Татар-информ", "Әгерҗе хәбәрләре"). Бай тарихлы Салагыш китапханәсенең йөз еллык олуг юбилеен район китапханәчеләре белән берлектә зурлап бәйрәм иттеләр, дип яза район газетасы.

Бәйрәм кунакларын Салагыш авыл җирлеге башкарма комитеты җитәкчесе урынбасары Илгизә Фәрдетдинова сәламләде. Салагыш авылы китаханәчесе Раилә Тимофеева бу чараны бик күңелле итеп алып барды. Аңа кадәр әлеге вазифаны башкарган Гөлсинә Әхмәтзакировага китапханәчеләр тирән рәхмәтләрен җиткерделәр, ә Гөлсинә ханым, үз чиратында, яшь хезмәттәшләренә уңышлар теләде.

Бәйрәмдә Салагышның иң күп китап укучысы Азалия Латыйпова да катнашты һәм район шагыйрәләренең шигырьләрен сөйләде.

Үзәкләштерелгән китапханәләр системасы директоры Гөлнара Тимербаева бик тә актив, тынгысыз җанлы Раилә Тимофеевага һәм хезмәт нәтиҗәләре буенча зур уңышларга ирешкән алдынгы хезмәткәрләргә Мактау грамоталары һәм бүләкләр тапшырды.

Юбилей чарасы җыр-биюләр, күңелле уеннар белән аралаштырылып барылды.

#Әгерҗе хәбәрләре

Сәхифәләр

Әгерҗе районы Салагыш китапханәсенең йөз еллык юбилеен бәйрәм иттеләр