Әгерҗе районы Исәнбай авылы көрәшчеләренең уңайлы спорт бүлмәсе барлыкка килде
Хәзер көрәшчеләр төрле тренажерларда да шөгыльләнә ала.
Скопировать ссылку
(Әгерҗе, 3 гыйнвар, "Татар-информ", "Әгерҗе хәбәрләре"). Татарстанның Әгерҗе районы Исәнбай авылы Мәдәният йортында яшь көрәшчеләргә шөгыльләнү өчен зал булдырылган иде. Мәдәният йортына ремонт ясалганда биредә дә төзекләндерү эшләре башкарылган. Зал зурайтылган, душ, бәдрәф ясалган. Хәзер көрәшчеләр төрле тренажерларда да шөгыльләнә ала, дип яза районның "Әгерҗе хәбәрләре" газетасы.
"Бу безнең өчен күктән төшкән бәхет булды. Хәзер шәкертләремә шөгыльләнү өчен барлык шартлар да бар", – дип куанычы белән уртаклаша тренер Рәшит Садыйков.
