Әгерҗе районы хуҗалыкларында терлек азыгы әзерләү дәвам итә
27 июньгә 4850 гектарда күпьеллык үлән чабылган.
Скопировать ссылку
(Әгерҗе, 27 июнь, "Татар-информ", "Әгерҗе хәбәрләре"). Әгерҗе районы хуҗалыкларында терлек азыгы әзерләү дәвам итә. Бу көннәрдә хуҗалыкларда витаминлы яфраказык әзерләүгә дә керештеләр. Бу турыда район басмасы хәбәр итә.
27 июньгә 4850 гектарда күпьеллык үлән чабылган. 1320 тонна печән, 16300 тонна сенаж кайтартылган. Бер шартлы баш терлеккә 6,8 центнер азык берәмлеге туры килә.
Бүген Исәнбай авылының бюджет оешмалары хезмәткәрләре дә әлеге мөһим эштә “Исәнбай“ бүлекчәсенә ярдәмгә чыкты.