Әгерҗе чаңгычылары дәрәҗәле бәйгедә өченче урын яулады
Бәйгедә барлыгы 400 спортчы катнашты.
Скопировать ссылку
(Әгерҗе, 23 март, “Татар-информ“, "Әгерҗе хәбәрләре", Миләүшә Ягъфәрова). Балалар-яшүсмерләр спорт мәктәбендә шөгыльләнүче Әгерҗе районы чаңгычылары Чаллыда СССРның атказанган спорт мастеры И.Утробин призына узган чаңгы ярышларында катнашты. Алар призлы урынны алды. Бу турыда район басмасы хәбәр итә.
Чаңгычылар Богдан Павлов, Кирилл Семенов – җиденче, Зинаида Николаева – сигезенче, Ангелина Дедюхина унынчы урын алдылар. Нәтиҗәдә, Әгерҗе чаңгычылары команда буенча өченче урын яулады. Бәйгедә барлыгы 400 спортчы катнашты.