Спорт 10 апрель 2018 00:00

Әгерҗе чаңгычылар өч алтын медальгә лаек булдылар

Сарман районы Җәлил бистәсендә узган чаңгы буенча республика ярышларында 11 районнан спортчылар катнашты.

Скопировать ссылку

(Әгерҗе, 10 апрель, “Татар-информ“, "Әгерҗе хәбәрләре", Миләүшә Ягъфәрова). Сарман районы Җәлил бистәсендә узган чаңгы буенча республика ярышларында 11 районнан спортчылар катнашты. Быелгы сезонда узган әлеге соңгы чаңгы ярышында Әгерҗе егет-кызлары да сынатмады, дип яза район газетасы.

Өч чакрым арага узышта Күләгәш мәктәбеннән Аделя Семеновага тиңнәр булмады. Шушы ук мәктәптән Зинаида Николаева да өч чакрым дистанциядә алтын медальгә ия булды. Бима мәктәбеннән Богдан Павлов тугыз чакрымга узышта беренчелекне беркемгә дә бирмәде. Шулай итеп, район чаңгычылар өч алтын медальгә лаек булдылар.

Күләгәш мәктәбеннән Александр Изергин – алтынчы, шушы ук мәктәптән Максим Бочкарев һәм Бимадан Роман Альматов финиш сызыгын уникенче булып кисеп чыктылар. Пеләмештән иң кечкенә катнашучы Кирилл Альматов унынчы булды.

36-49 яшьлекләрдән Пеләмештән Эдуард Михайлов – дүртенче, 50 яшьлекләрдән өлкәнрәкләр арасында Кам.Ключтан Владимир Семенов тугызынчы урын алды.

#Әгерҗе хәбәрләре

Сәхифәләр

Әгерҗе чаңгычылар өч алтын медальгә лаек булдылар